Екінші рет Маңғыстау өңірі көлік саласының өзекті мәселелерін халықаралық деңгейде талқылау, тәжірибе алмасу, серіктестермен іскерлік байланыстарды кеңейту және нығайту алаңына айналды.

“Каспий порттары және кеме қатынасы – 2021” 2-ші Халықаралық көрме мен конференция қатысушыларға барынша тиімді шешімдер қабылдау үшін ашық диалог форматында барлық өзекті тақырыптарды талқылауға мүмкіндік берді.

Көрмені ашқан ҚР Индустрия және инфрақұрылымдық даму Вице-министрі Руслан Баймишев іс-шараның ұйымдастырылу деңгейін және Елшілердің қатысуын жоғары бағалады

Конференция жұмысында Еуропалық Одақ, сондай-ақ Дүниежүзілік банк өкілдері қатысты.

Өз сөзінде өңір басшысы Нұрлан Ноғаев заманауи көлік инфрақұрылымының қалыптасуы өңір экономикасына оң мультипликативті әсер ететінін, ал жергілікті атқарушы органдар өңірдің көлік-логистикалық әлеуетін толық іске асыру үшін барлық күш-жігерін жұмсайтынын атап өтті.

Ал Ақтау порты Басқармасының Төрағасы Абай Түрікпенбаев көрме мен конференцияға қатысушыларға қызықты және жемісті пікірталастар тіледі.