Құрық теңіз портының алаңында қазақстандық порттардың, терминалдардың және сауда флотының басшылары ҚР Премьер-Министрінің орынбасары С.М. Жумангаринмен Маңғыстау облысына жұмыс сапары аясында кездесті.
“АТСП” ҰК” АҚ Басқарма Төрағасы Абай Турикпенбаев сыйлы қонаққа Ақтау теңіз портының ағымдағы жай-күйі, қызметінің негізгі көрсеткіштері және стратегиялық мақсаттары мен жоспарларының орындалуы туралы баяндады.
Порттың перспективалық дамуын талқылау кезінде порттың инфрақұрылымын жаңғырту мен дамытудағы уақытылылық, сондай-ақ сенімді инвесторларды тарту мәселелеріне ерекше назар аударылды.
Кездесу қорытындысы бойынша ҚР Премьер-Министрінің орынбасары барлық басшыларға саланы дамыту және оның тұрақты жұмыс істеуін қамтамасыз етудегі ынталарына қолдау білдірді.