12.06.2023 жылы ҚР Сауда және интеграция министрлігінің өкілдері “QazTrade” сауда саясатын дамыту орталығы” АҚ  мен  USAID бағдарламасының халықаралық сарапшыларымен бірлесіп Ақтау теңіз портында экспорттық операцияларды ұйымдастыру және жүргізу кезіндегі бизнес-үдерістермен танысты, сондай-ақ порт қызметтерімен бірлесіп отандық өнімнің экспортын кешіктіретін рәсімдерді анықтауға тырысты.

Бұл сапар сарапшының ұлттық шолу есебін дайындау мақсатының бір бөлігі болды, оған мыналар кіреді:

• экспорт кезінде сауда кедергілерін анықтау
• анықталған кедергілерді жою бойынша ұсыныстар
• заңнаманы халықаралық тәжірибеге сәйкестендіру бойынша ұсыныстар.

Жүргізілетін жұмыстың мақсаты экспорт уақыты мен құнын қысқарту, бизнес-үдерістерді жақсарту және ұлттық тәжірибелерді халықаралық танылған стандарттармен келісу мақсатында Қазақстан Республикасына ағымдағы экспорттық рәсімдер мен қағидаларды талдау мен бағалауда техникалық көмек көрсету болып табылады.

Сапар барысында сарапшылар тиісті кеден бекеттеріне, теңіз өткізу пункттеріндегі шекаралық, кедендік, ветеринариялық, фитосанитариялық және санитариялық-эпидемиологиялық бақылау органдарына сыртқы экономикалық қызмет кезіндегі бизнес-үдерістер мен сауда рәсімдері туралы ақпаратты егжей-тегжейлі танысу және талдау үшін барады.