Ақтау портына Albayrak түрік холдингінің өкілдері келді.

Компания теңіз тасымалын қоса алғанда, әртүрлі салаларда жұмыс істейтін ірі халықаралық концерн.

Albayrak Каспий өңіріне қызметін кеңейтуді қарастырып, Каспий маңы мемлекеттерінің порттарымен танысу үстінде.

“АТСП” ҰК” АҚ Басқарма төрағасы (Президент) Абай Түрикпенбаев қонақтарды теңіз айлағының инфрақұрылымдық және инвестициялық мүмкіндіктерімен таныстырды, сондай-ақ стратегиялық даму жоспарлары мен алдағы капитал салымдарының көлемі туралы егжей-тегжейлі айтып берді.

“АТСП” ҰК” АҚ басшылығы қонақтарға экскурсия өткізіп, теңіз портының барлық өндірістік нысандарымен танысты.