Бас атқарушы директор Лукаш Малиновский бастаған Гданьск поляк порты әкімшілігінің делегациясы Ақтау теңіз портында болды.

Бұл сапар қазақстандық делегация ағымдағы жылғы маусым айында өткен сауда-экономикалық ынтымақтастық жөніндегі қазақстан-поляк үкіметаралық комиссиясының 9-шы отырысы шеңберінде Гданьск портына барғаннан кейін поляк порттарының сапары болды.

Л. Малиновскийдің айтуынша, Гданьск портының әкімшілігі Жібек жолы көлік дәлізін дамытуды қолдауда белсенді саясат жүргізіп, құрылған жұмыс тобы аясында Баку және Констанца порттарымен келіссөздер жүргізуде.

Ол сондай–ақ Балтық теңізі – Қара теңіз-Каспий теңізі бағытында сауданы қамтамасыз ететін негізгі порттарды дамытудың маңыздылығын атап өтіп, одан әрі өзара тиімді ынтымақтастыққа үміт білдірді.

Гданьск портының сайтында жарияланған мәліметтерге сәйкес, соңғы 6 жылда Гданьск портындағы жүк ауыстыру көлемі 83%  өскен. 2022 жылдың нәтижесі 68,2 млн тонна құраған, бұл кәсіпорын тарихындағы ең жақсы көрсеткіш.