2022 жылғы 12 шілдеде Ақтау теңіз портында Еуропалық теңіз порттары ұйымының (ЭМПО) «Порттардың экологиялық сараптама жүйесі» (SEEP) сертификатын салтанатты түрде тапсыру рәсімі өтті.

«Ақтау теңіз сауда порты» ҰК» АҚ Басқарма төрағасы (Президенті) Абай Түрікпенбаев Бельгиядағы Қазақстан мен Еуропалық Одақ арасындағы транзиттік және көліктік ынтымақтастық форумында сөйлеген сөзінде атап өткендей Ақтау порты Қазақстандағы «Жасыл» мәртебесін алған алғашқы теңіз порты және қазір сертификатталған порттардың жаһандық желісінің мүшесі болып табылады.

Ақтау портын сертификаттау порттардағы қоршаған ортаны басқарудың бүкіл әлем мойындаған стандарты EcoPorts жобасы аясында және ұсынылған құжаттаманы мұқият зерделеген Lloyd’s Register, LRQA, Нидерланды тәуелсіз аудитінің негізінде жүзеге асырылды.

Әрине, EcoPorts сертификатына ие болу Ақтау порты үшін қосымша жауапкершілік және амбициялық мәлімдеме болып табылады, ол өзінің тұрақты даму жүйесін іске асыру аясында өзінің «Жасыл» мәртебесін сақтап қалу үшін бар күш-жігерін салуы керек, сонымен бірге жыл сайынғы жақсартуларды көрсетіп, өз саласында көшбасшы болып қала береді.

Марапаттау рәсіміне ЕҚЫҰ Хатшылығының энергетикалық қауіпсіздік саласындағы бағдарламасының аға қызметкері Дэниел Кросс бастаған ЕҚЫҰ-ның шақырылған қызметкерлері қатысты.