Ағымдағы жылдың 30 мамырында Шымкент қаласында Транскаспий халықаралық көлік бағытын (ТХКБ) дамыту жөніндегі жұмыс тобының отырысы өтті. Күн тәртібінде қауымдастықтың операциялық қызметі және 2024 жылдың 4 айындағы тасымалдарды талдау мәселелері.

2024 жылдың қаңтар-сәуір айларында Қытай – Әзірбайжан/Грузия/ одан әрі Түркия мен Еуропа елдеріне қатынайтын 34 контейнерлік пойыз жіберілді, ал 2023 жылы осындай көрсеткіш 4 контейнерлік пойызды құрады. Қарастырылып отырған кезеңде Ақтау – Баку – Ақтау бағыты бойынша фидерлік қатынаста 9 259 ЖФЭ (29 айналма рейс) тасымалданды, оның ішінде: Шығыс-Батыс (Ақтау – Баку) бағыты бойынша – 5 711 ЖФЭ, Батыс-Шығыс (Баку-Актау) бағыты бойынша – 3 548 ЖФЭ.

Қауымдастық мүшелерінің күшімен 2024 жылдың қаңтар-мамыр айларында ҚХР-дан (Сиань, Чунцин, Нанкин) Алтынкөл шекарасынан Әзірбайжанға (Апшерон), Грузияға (Тбилиси) және үшінші елдерге (Поти/Батуми) 61 толық құрамды контейнерлік пойыздарды өткізу ұйымдастырылды.

Қалыптасқан геосаяси жағдайларда ТХКБ сервистері еуразиялық кеңістіктегі ең маңызды көліктік-логистикалық шешімдерге айналды, мұнда контейнер ағындарын тартудың негізгі критериі әсіресе контейнерлік поездар құрамында тасымалдау кезінде жеткізу жылдамдығы болып табылады.