Көлік апталығы аясында 26-шы Қазақстандық “Көлік және Логистика-2023” халықаралық көрмесі алаңында, Ақтау теңіз портының 60 жылдық мерейтойына арналған “Каспий теңізіндегі порттарды, терминалдарды және кеме қатынасын дамыту” атты халықаралық конференция өтті.

Конференцияның пленарлық сессияларында салалық министрліктердің, қауымдастықтар, порттар басшылары мен сарапшылардың отандық порттарды жаңғырту жобаларының кейстерін, бағыттағы цифрлық шешімдерді қоса алғанда, ТХКБ даму стратегиясын, сондай-ақ жаңа цифрлық дәліздерді құруды талқылады.

“АТСП “ҰК” АҚ Басқарма төрағасы Абай Түрікпенбаев өз сөзінде атап өткендей, цифрландыру дәуіріндегі даму тек өзгерістерге бейімделуді ғана емес, сонымен қатар техникалық білімді, шығармашылық пен инновациялық ойлауды пайдалана отырып, міндеттерді шешу үшін жаңа мүмкіндіктерді белсенді пайдалануға икемділік пен дайындықты талап етеді.

Конференцияның екінші бөлімінде көлік саласының танымал сарапшыларының қатысуымен “сараптамалық пікір” форсайт-сессиясы өтті, онда халықаралық көрме мен жалпы көлік апталығының қорытындылары бойынша пікір алмасу болды.

TransLogistica Kazakhstan – көліктік-логистикалық қызметтер мен технологиялар бойынша Орталық Азиядағы ең ірі, ал ТМД елдері мен Балтық жағалауы елдеріндегі қатысуы бойынша екінші орындағы көрме.

Биылғы жылы әлемнің 17 елінен 225 компания өз стендтерін ұсынды.